Представляю вашему вниманию вторую сахасранаму Шри Лалиты из Нарада Пураны (89 глава).
Санаткумара рассказывает эти 1000 имен (хотя в этой стотре всего 924 имени остальные по какой то причине утеряны или скрыты), после того как расскажет Гуру стотру, известную стотру Сарвасиддхикара стути и Нитья Кавачу взятые из Тантрараджи в ней Шри Лалита называется Адйа Нитйа Лалита и в конце Пхала Шрути (плоды) от чтения этих 1000 имен. (для удобства разделю эти стотры линией).
॥ śrīlalitāsahasranāmastotram nāradapurāṇāntargatam ॥
॥ nāradapurāṇāntargate sakavaca śrīlalitāsahasranāmastotram ॥
sanatkumāra uvāca-
athā sāmāvṛtisthānāṃ śaktīnāṃ samayena ca ।
athāsāmāvṛtisthānāṃ as atha asāṃ āvṛttisthānāṃ śaktīnāṃ
nāmnāṃ sahasraṃ vakṣyāmi gurudhyānapuraḥsaram ॥ 1॥
nāthā nava prakāśādyāḥ subhagāntāḥ prakīrtitāḥ ।
bhūmyādīni śivāntāni viddhi tattvāni nārada ॥ 2॥
gurujanmādiparvāṇi darśāntāni ca sapta vai ।
etāni prāṅmanovṛttyā cintayetsādhakottamaḥ ॥ 3॥
gurustotraṃ japeccāpi tadgatenāntarātmanā ।
namaste nātha bhagavañśivāya gururūpiṇe ॥ 4॥
vidyāvatārasaṃsiddhyai svīkṛtānekavigraha ।
navāya navarūpāya paramārthaikarūpiṇe ॥ 5॥
sarvājñānatamobhedabhānave cidghanāya te ।
svatantrāya dayākḷptavigrahāya śivātmane ॥ 6॥
paratantrāya bhaktānāṃ bhavyānāṃ bhavyarūpiṇe ।
vivekināṃ vivekāya vimarśāya vimarśinām ॥ 7 ॥
prakāśānāṃ prakāśāya jñānināṃ jñānarūpiṇe ।
purastātpārśvayoḥ pṛṣṭhe namaḥ kuryāmuparyadhaḥ ॥ 8॥
sadā maccittasadane vidhehi bhavadāsanam ।
iti stutvā guruṃ bhaktyā parāṃ devīṃ vicintayet ॥ 9॥
gaṇeśagrahanakṣatrayoginīrāśirūpiṇīm ।
devīṃ mantramayīṃ naumi mātṛkāpīṭharūpiṇīm ॥ 10॥
praṇamāmi mahādevīṃ mātṛkāṃ parameśvarīm ।
kālahṛllohalollohakalānāśanakāriṇīm ॥ 11॥
yadakṣaraikamātre'pi saṃsiddhe sparddhate naraḥ ।
ravitākṣyendukandarpaiḥ śaṅkarānalaviṣṇubhiḥ ॥ 12॥
yadakṣaraśaśijyotsnāmaṇḍitaṃ bhuvanatrayam ।
vande sarveśvarīṃ devīṃ mahāśrīsiddhamātṛkām ॥ 13॥
yadakṣaramahāsūtraprotametajjagattrayam ।
brahmāṇḍādikaṭāhāntaṃ tāṃ vande siddhamātṛkām ॥ 14॥
yadekādaśamādhāraṃ bījaṃ koṇatrayodbhavam ।
brahmāṇḍādikaṭāhāntaṃ jagadadyāpi dṛśyate ॥ 15॥
akacādiṭatonnaddhapayaśākṣaravargiṇīm ।
jyeṣṭhāṅgabāhuhṛtkaṇṭhakaṭipādanivāsinīm ॥ 16॥
naumīkārākṣaroddhārāṃ sārātsārāṃ parātparām ।
praṇamāmi mahādevīṃ paramānandarūpiṇīm ॥ 17॥
athāpi yasyā jānanti na manāgapi devatāḥ ।
keyaṃ kasmātkva keneti sarūpārūpabhāvanām ॥ 18॥
vande tāmahamakṣayyāṃ kṣakārākṣararūpiṇīm ।
devīṃ kulakalollolaprollasantīṃ śivāṃ parām ॥ 19॥
vargānukramayogena yasyākhyomāṣṭakaṃ sthitam ।
vande tāmaṣṭavargotthamahāsiddhyādikeśvarīm ॥ 20॥
kāmapūrṇajakārākhyasupīṭhāntarnnivāsinīm ।
caturājñākośabhūtāṃ naumi śrītripurāmaham ॥ 21॥
etatstotraṃ tu nityānāṃ yaḥ paṭhetsusamāhitaḥ ।
pūjādau tasya sarvāstā varadāḥ syurna saṃśayaḥ ॥ 22॥
atha te kavacaṃ devyā vakṣye navaratātmakam ।
yena devāsuranarajayī syātsādhakaḥ sadā ॥ 23॥
sarvataḥ sarvadā''tmānaṃ lalitā pātu sarvagā ।
kāmeśī purataḥ pātu bhagamālī tvanantaram ॥ 24॥
diśaṃ pātu tathā dakṣapārśvaṃ me pātu sarvadā ।
nityaklinnātha bheruṇḍā diśaṃ me pātu kauṇapīm ॥ 25॥
tathaiva paścimaṃ bhāgaṃ rakṣatādvahnivāsinī ।
mahāvajreśvarī nityā vāyavye māṃ sadāvatu ॥ 26॥
vāmapārśvaṃ sadā pātu itīmelaritā tataḥ ।
māheśvarī diśaṃ pātu tvaritaṃ siddhadāyinī ॥ 27॥
pātu māmūrdhvataḥ śaśvaddevatā kulasundarī ।
adho nīlapatākākhyā vijayā sarvataśca mām ॥ 28॥
karotu me maṅgalāni sarvadā sarvamaṅgalā ।
dehendriyamanaḥprāṇāñjvālāmālinivigrahā ॥ 29॥
pālayatvaniśaṃ cittā cittaṃ me sarvadāvatu ।
kāmātkrodhāttathā lobhānmohānmānānmadādapi ॥ 30॥
pāpānmāṃ sarvataḥ śokātsaṅkṣayātsarvataḥ sadā ।
asatyātkrūracintāto hiṃsātaścauratastathā ।
staimityācca sadā pāntu prerayantyaḥ śubhaṃ prati ॥ 31॥
nityāḥ ṣoḍaśa māṃ pāntu gajārūḍhāḥ svaśaktibhiḥ ।
tathā hayasamārūḍhāḥ pāntu māṃ sarvataḥ sadā ॥ 32॥
siṃhārūḍhāstathā pāntu pāntu ṛkṣagatā api ।
rathārūḍhāśca māṃ pāntu sarvataḥ sarvadā raṇe ॥ 33॥
tārkṣyārūḍhāśca māṃ pāntu tathā vyomagatāśca tāḥ ।
bhūtagāḥ sarvagāḥ pāntu pāntu devyaśca sarvadā ॥ 34॥
bhūtapretapiśācāśca parakṛtyādikān gadān ।
drāvayantu svaśaktīnāṃ bhūṣaṇairāyudhairmama ॥ 35॥
gajāśvadvīpipañcāsyatārkṣyārūḍhākhilāyudhāḥ ।
asaṅkhyāḥ śaktayo devyaḥ pāntu māṃ sarvataḥ sadā ॥ 36॥
sāyaṃ prātarjapannityākavacaṃ sarvarakṣakam ।
kadācinnāśubhaṃ paśyetsarvadānandamāsthitaḥ ॥ 37॥
ityetatkavacaṃ proktaṃ lalitāyāḥ śubhāvaham ।
yasya sandhāraṇānmartyo nirbhayo vijayī sukhī ॥ 38॥
atha nāmnāṃ sahasraṃ te vakṣye sāvaraṇārcanam ।
ṣoḍaśānāmapi mune svasvakramagatātmakam ॥ 39॥
lalitā cāpi vā kāmeśvarī ca bhagamālinī ।
nityaklinnā ca bheruṇḍā kīrtitā vahnivāsinī ॥ 40॥
vajreśvarī tathā dūtī tvaritā kulasundarī ।
nityā saṃvittathā nīlapatākā vijayāhvayā ॥ 41॥
sarvamaṅgalikā cāpi jvālāmālinisañjñitā ।
citrā ceti kramānnityāḥ ṣoḍaśāpīṣṭavigrahāḥ ॥ 42॥
kurukullā ca vārāhī dve ete ceṣṭavigrahe ।
vaśinī cāpi kāmeśī mohinī vimalāruṇā ॥ 43॥
tapinī ca tathā sarveśvarīcāpyatha kaulinī ।
mudrāṇantanuriṣvarṇarūpā cāpārṇavigrahā ॥ 44॥
pāśavarṇaśarīrā cākurvarṇasuvapurddharā ।
trikhaṇḍā sthāpanī sannirodhanī cāvaguṇṭhanī ॥ 45॥
sannidhāneṣu cāpākhyā tathā pāśāṅkuśābhidhā ।
namaskṛtistathā saṅkṣobhaṇī vidrāvaṇī tathā ॥ 46॥
ākarṣaṇī ca vikhyātā tathaivāveśakāriṇī ।
unmādinī mahāpūrvā kuśātho khecarī matā ॥ 47॥
bījā śaktyutthāpanā ca sthūlasūkṣmaparābhidhā ।
aṇimā laghimā caiva mahimā garimā tathā ॥ 48॥
prāptiḥ prakāmitā cāpi ceśitā vaśitā tathā ।
bhuktiḥ siddhistathaivecchā siddhirūpā ca kīrtitā ॥ 49॥
brāhmī māheśvarī caiva kaumārī vaiṣṇavī tathā ।
vārāhīndrāṇī cāmuṇḍā mahālakṣmīsvarūpiṇī ॥ 50॥
kāmā buddhirahaṅkāraśabdasparśasvarūpiṇī ।
rūparūpā rasāhvā ca gandhavittadhṛtistathā ॥ 51॥
nābhabījāmṛtākhyā ca smṛtidehātmarūpiṇī ।
kusumā mekhalā cāpi madanā madanāturā ॥ 52॥
rekhā saṃveginī caiva hyaṅkuśā mālinīti ca ।
saṅkṣobhiṇī tathā vidrāviṇyākarṣaṇarūpiṇī ॥ 53॥
āhlādinīti ca proktā tathā sammohinīti ca ।
stambhinī jambhinī caiva vaśaṅkaryatha rañjinī ॥ 54॥
unmādinī tathaivārthasādhinīti prakīrtitā ।
sampattipūrṇā sā mantramayī dvandvakṣayaṅkarī ॥ 55॥
siddhiḥ sampatpradā caiva priyamaṅgalakāriṇī ।
kāmapradā nigaditā tathā duḥkhavimocinī ॥ 56॥
mṛtyupraśamanī caiva tathā vighnanivāriṇī ।
aṅgasundarikā caiva tathā saubhāgyadāyinī ॥ 57॥
jñānaiśvaryapradā jñānamayī caiva ca pañcamī ।
vindhyavāsanakā ghorasvarūpā pāpahāriṇī ॥ 58॥
tathānandamayī rakṣārūpepsitaphalapradā ।
jayinī vimalā cātha kāmeśī vajriṇī bhagā ॥ 59॥
trailokyamohanā sthānā sarvāśāparipūraṇī ।
sarvasaṃkṣobhaṇagatā saubhāgyapradasaṃsthitā ॥ 60॥
savārthasādhakāgārā sarvarogaharāsthitā ।
sarvarakṣākarāsthānā sarvasiddhipradasthitā ॥ 61॥
sarvānandamayādhārabindusthānaśivātmikā ।
prakṛṣṭā ca tathā guptā jñeyā guptatarāpi ca ॥ 62॥
sampradāyasvarūpā ca kulakaulanigarbhagā ।
rahasyāparāparaprākṛttathaivātirahasyakā ॥ 63॥
tripurā tripureśī ca tathaiva puravāsinī ।
śrīmālinī ca siddhāntā mahātripurasundarī ॥ 64॥
navaratnamayadvīpanavakhaṇḍavirājitā ।
kalpakodyānasaṃsthā ca ṛturūpendriyārcakā ॥ 65॥
kālamudrā mātṛkākhyā ratnadeśopadeśikā ।
tattvāgrahābhidhā mūrtistathaiva viṣayadvipā ॥ 66॥
deśakālākāraśabdarūpā saṅgītayoginī ।
samastaguptaprakaṭasiddhayoginicakrayuk ॥ 67॥
vahnisūryendubhūtāhvā tathātmāṣṭākṣarāhvayā ।
pañcadhārcāsvarūpā ca nānāvratasamāhvayā ॥ 68॥
niṣiddhācārarahitā siddhacihnasvarūpiṇī ।
caturddhā kūrmabhāgasthā nityādyarcāsvarūpiṇī ॥ 69॥
damanādisamabhyarcā ṣaṭkarmasiddhidāyinī ।
tithivārapṛthagdravyasamarcanaśubhāvahā ॥ 70॥
vāyośyanaṅgakusumā tathaivānaṅgamekhalā ।
anaṅgamadanānaṅgamadanāturasāhvayā ॥ 71॥
madadeginikā caiva tathā bhuvanapālinī ।
śaśilekhā samuddiṣṭā gatilekhāhvayā matā ॥ 72॥
śraddhā prītī ratiścaiva dhṛtiḥ kāntirmanoramā ।
manoharā samākhyātā tathaiva hi manorathā ॥ 73॥
madanonmādinī caiva modinī śaṅkhinī tathā ।
śoṣiṇī caiva śaṅkārī siñjinī subhagā tathā ॥ 74॥
pūṣācedvāsumanasā ratiḥ prītirdhṛtistathā ।
ṛddhiḥ saumyā marīciśca tathaiva hyaṃśumālinī ॥ 75॥
śaśinī cāṅgirā chāyā tathā sampūrṇamaṇḍalā ।
tuṣṭistathāmṛtākhyā ca ḍākinī sātha lokapā ॥ 76॥
baṭukebhāsvarūpā ca durgā kṣetreśarūpiṇī ।
kāmarājasvarūpā ca tathā manmatharūpiṇī ॥ 77॥
kandarpparūpiṇī caiva tathā makaraketanā ।
manobhavasvarūpā ca bhāratī varṇarūpiṇī ॥ 78॥
madanā mohinī līlā jambhinī codyamā śubhā ।
hlādinī drāviṇī prītī ratī raktā manoramā ॥ 79॥
sarvonmādā sarvamukhā hyabhaṅgā cāmitodyamā ।
analpāvyaktavibhavā vividhākṣobhavigrahā ॥ 80॥
rāgaśaktirdveṣaśaktistathā śabdādirūpiṇī ।
nityā nirañjanā klinnā kledinī madanāturā ॥ 81॥
madadravā drāviṇī ca draviṇī ceti kīrtitā ।
madāvilā maṅgalā ca manmathānī manasvinī ॥ 82॥
mohā modā mānamayī māyā mandā mitāvatī ।
vijayā vimalā caiva śubhā viśvā tathaiva ca ॥ 83॥
vibhūtirvinatā caiva vividhā vinatā kramāt ।
kamalā kāminī caiva kirātā kīrtirūpiṇī ॥ 84॥
kuṭṭinī ca samuddiṣṭā tathaiva kulasundarī ।
kalyāṇī kālakolā ca ḍākinī śākinī tathā ॥ 85॥
lākinī kākinī caiva rākinī kākinī tathā ।
icchājñānā kriyākhyā cāpyāyudhāṣṭakadhāriṇī ॥ 86॥
kapardinī samuddiṣṭā tathaiva kulasundarī ।
jvālinī visphuliṅgā ca maṅgalā sumanoharā ॥ 87॥
kanakā kinavā vidyā vividhā ca prakīrtitā ।
meṣā vṛṣāhvayā caiva mithunā karkaṭā tathā ॥ 88॥
siṃhā kanyā tulā kīṭā cāpā ca makarā tathā ।
kumbhā mīnā ca sārā ca sarvabhakṣā tathaiva ca ॥ 89॥
viśvātmā vividhodbhūtacitrarūpā ca kīrtitā ।
niḥsapatnā nirātaṅkā yācanācintyavaibhavā ॥ 90॥
raktā caiva tataḥ proktā vidyāprāptisvarūpiṇī ।
hṛllekhā kledinī klinnā kṣobhiṇī madanāturā ॥ 91॥
nirañjanā rāgavatī tathaiva madanāvatī ।
mekhalā drāviṇī vegavatī caiva prakīrtitā ॥ 92॥
kamalā kāminī kalpā kalā ca kalitādbhutā ।
kirātā ca tathā kālā kadanā kauśikā tathā ॥ 93॥
kambuvādanikā caiva kātarā kapaṭā tathā ।
kīrtiścāpi kumārī ca kuṅkumā parikīrtitā ॥ 94॥
bhañjinī veginī nāgā capalā peśalā satī ।
ratiḥ śraddhā bhogalolā madonmattā manasvinī ॥ 95॥
vihvalā karṣiṇī lolā tathā madanamālinī ।
vinodā kautukā puṇyā purāṇā parikīrtitā ॥ 96॥
vāgīśī varadā viśvā vibhavā vighnakāriṇī ।
bījavighnaharā vidyā sumukhī sundarī tathā ॥ 97॥
sārā ca sumanā caiva tathā proktā sarasvatī ।
samayā sarvagā viddhā śivā vāṇī ca kīrtitā ॥ 98॥
dūrasiddhā tathā proktātho vigrahavatī matā ।
nādā manonmanī prāṇapratiṣṭhāruṇavaibhavā ॥ 99॥
prāṇāpānā samānā ca vyānodānā ca kīrtitā ।
nāgā kūrmā ca kṛkalā devadattā dhanañjayā ॥ 100॥
phaṭkārī kiṅkarārādhyā jayā ca vijayā tathā ।
huṅkārī khecarī caṇḍaṃ chedinī kṣapiṇī tathā ॥ 101॥
strīhuṅkārī kṣemakārī caturakṣararūpiṇī ।
śrīvidyāmatavarṇāṅgī kālī yāmyā nṛpārṇakā ॥ 102॥
bhāṣā sarasvatī vāṇī saṃskṛtā prākṛtā parā ।
bahurūpā cittarūpā ramyānandā ca kautukā ॥ 103॥
trayākhyā paramātmākhyāpyameyavibhavā tathā ।
vāksvarūpā bindusargarūpā viśvātmikā tathā ॥ 104॥
tathā traipurakandākhyā jñātrāditrividhātmikā ।
āyurlakṣmīkīrtibhogasaundaryārogyadāyikā ॥ 105॥
aihikāmuṣmikajñānamayī ca parikīrtitā ।
jīvākhyā vijayākhyā ca tathaiva viśvavinmayī ॥ 106॥
hṛdādividyā rūpādibhānurūpā jagadvapuḥ ।
viśvamohanikā caiva tripurāmṛtasañjñikā ॥ 107॥
sarvāpyāyanarūpā ca mohinī kṣobhaṇī tathā ।
kledinī ca samākhyātā tathaiva ca mahodayā ॥ 108॥
sampatkarī halakṣārṇā sīmāmātṛtanū ratiḥ ।
prītirmanobhavā vāpi proktā vārādhipā tathā ॥ 109॥
trikūṭā cāpi ṣaṭkūṭā pañcakūṭā viśuddhagā ।
anāhatagatā caiva maṇipūrakasaṃsthitā ॥ 110॥
svādhiṣṭhānasamāsīnādhārasthājñāsamāsthitā ।
ṣaṭtriṃśatkūṭarūpā ca pañcāśanmithunātmikā ॥ 111॥
pādukādikasiddhīśā tathā vijayadāyinī ।
kāmarūpapradā vetālarūpā ca piśācikā ॥ 112॥
vicitrā vibhramā haṃsī bhīṣaṇī janarañjikā ।
viśālā madanā tuṣṭā kālakaṇṭhī mahābhayā ॥ 113॥
māhendrī śaṅkhinī caindrī maṅgalā vaṭavāsinī ।
mekhalā sakalā lakṣmīrmālinī viśvanāyikā ॥ 114॥
sulocanā suśobhā ca kāmadā ca vilāsinī ।
kāmeśvarī nandinī ca svarṇarekhā manoharā ॥ 115॥
pramodā rāgiṇī siddhā padminī ca ratipriyā ।
kalyāṇadā kalādakṣā tataśca surasundarī ॥ 116॥
vibhramā vāhakā vīrā vikalā korakā kaviḥ ।
siṃhanādā mahānādā sugrīvā markaṭā śaṭhā ॥ 117॥
biḍālākṣā biḍālāsyā kumārī khecarī bhavā ।
mayūrā maṅgalā bhīmā dvipavaktrā kharānanā ॥ 118॥
mātaṅgī ca niśācārā vṛṣagrāhā vṛkānanā ।
sairibhāsyā gajamukhā paśuvaktrā mṛgānanā ॥ 119॥
kṣobhakā maṇibhadrā ca krīḍakā siṃhacakrakā ।
mahodarā sthūlaśikhā vikṛtāsyā varānanā ॥ 120॥
capalā kukkuṭāsyā ca pāvinī madanālasā ।
manoharā dīrghajaṅghā sthūladantā daśānanā ॥ 121॥
sumukhā paṇḍitā kruddhā varāhāsyā saṭāmukhā ।
kapaṭā kautukā kālā kiṅkarā kitavā khalā ॥ 122॥
bhakṣakā bhayadā siddhā sarvagā ca prakīrtitā ।
jayā ca vijayā durgā bhadrā bhadrakarī tathā ॥ 123॥
ambikā vāmadevī ca mahāmāyāsvarūpiṇī ।
vidārikā viśvamayī viśvā viśvavibhañjitā ॥ 124॥
vīrā vikṣobhiṇī vidyā vinodā bījavigrahā ।
vītaśokā viṣagrīvā vipulā vijayapradā ॥ 125॥
vibhavā vividhā viprā tathaiva parikīrtitā ।
manoharā maṅgalā ca madotsiktā manasvinī ॥ 126॥
māninī madhurā māyā mohinī ca tathā smṛtā ।
bhadrā bhavānī bhavyā ca viśālākṣī śucismitā ॥ 127॥
kakubhā kamalā kalpā kalātho pūraṇī tathā ।
nityā cāpyamṛtā caiva jīvitā ca tathā dayā ॥ 128॥
aśokā hyamalā pūrṇā pūrṇā bhāgyodyatā tathā ।
vivekā vibhavā viśvā vitatā ca prakīrtitā ॥ 129॥
kāminī khecarī garvā purāṇā parameśvarī ।
gaurī śivā hyameyā ca vimalā vijayā parā ॥ 130॥
pavitrā padminī vidyā viśveśī śivavallabhā ।
aśeṣarūpā hyānandāmbujākṣī cāpyaninditā ॥ 131॥
varadā vākyadā vāṇī vividhā vedavigrahā ।
vidyā vāgīśvarī satyā saṃyatā ca sarasvatī ॥ 132॥
nirmalānandarūpā ca hyamṛtā mānadā tathā ।
pūṣā caiva tathā puṣṭistuṣṭiścāpi ratirdhṛtiḥ ॥ 133॥
śaśinī candrikā kāntirjyotsnā śrīḥ prītiraṅgadā ।
pūrṇā pūrṇāmṛtā kāmadāyinīndukalātmikā ॥ 134॥
tapinī tāpinī dhūmrā marīcirjvālinī ruciḥ ।
suṣumṇā bhogadā viśvā bādhinī dhāriṇī kṣamā ॥ 135॥
dhūmrārcirūṣmā jvalinī jvālinī visphuliṅginī ।
suśrīḥ svarūpā kapilā havyakavyavahā tathā ॥ 136॥
ghasmarā viśvakavalā lolākṣī lolajihvikā ।
sarvabhakṣā sahasrākṣī niḥsaṅgā ca gatipriyā ॥ 137॥
acintyā cāprameyā ca pūrṇarūpā durāsadā ।
sarvā saṃsiddhirūpā ca pāvanītyekarūpiṇī ॥ 138॥
tathā yāmalavedhākhyā śākte vedasvarūpiṇī ।
tathā śāmbhavavedhā ca bhāvanāsiddhisūcinī ॥ 139॥
vahnirūpā tathā dasrā hyamāvidhnā bhujaṅgamā ।
ṣaṇmukhā ravirūpā ca mātā durgā diśā tathā ॥ 140॥
dhanadā keśavā cāpi yamī caiva harā śaśā ।
aśvinī ca yamī vahnirūpā dhātrīti kīrtitā ॥ 141॥
candrā śivāditirjīvā sarpiṇī pitṛrūpiṇī ।
aryamṇā ca bhagā sūryā tvāṣṭrimārutisañjñikā ॥ 142॥
indrāgnirūpā mitrā cāpīndrāṇī nirṛtirjalā ।
vaiśvadevī haritabhūrvāsavī varuṇā jayā ॥ 143॥
ahirbudhnyā pūṣaṇī ca tathā kāraskarāmalā ।
udumbarā jambukā ca khadirā kṛṣṇarūpiṇī ॥ 144॥
vaṃśā ca pippalā nāgā rohiṇā ca palāśakā ।
pakṣakā ca tathāmbaṣṭhā bilvā cārjunarūpiṇī ॥ 145॥
vikaṅkatā ca kakubhā saralā cāpi sarjikā ।
bañjulā panasārkā ca śamī halipriyāmrakā ॥ 146॥
nimbā madhūkasañjñā cāpyaśvatthā ca gajāhvayā ।
nāginī sarpiṇī caiva śunī cāpi biḍālikī ॥ 147॥
chāgī mārjārikā mūṣī vṛṣabhā māhiṣī tathā ।
śārdūlī sairibhī vyāghrī hariṇī ca mṛgī śunī ॥ 148॥
kapirūpā ca goghaṇṭā vānarī ca narāśvinī ।
nagā gaurhastinī ceti tathā ṣaṭcakravāsinī ॥ 149॥
trikhaṇḍā tīrapālākhyā bhrāmaṇī draviṇī tathā ।
somā sūryā tithirvārā yogārkṣā karaṇātmikā ॥ 150॥
yakṣiṇī tāraṇā vyomaśabdādyā prāṇinī ca dhīḥ ।
krodhinī stambhinī caṇḍoccaṇḍā brāhmyādirūpiṇī ॥ 151॥
siṃhasthā vyāghragā caiva gajāśvagaruḍasthitā ।
bhaumāpyā taijasī vāyurūpiṇī nābhasā tathā ॥ 152॥
ekavaktrā caturvaktrā navavaktrā kalānanā ।
pañcaviṃśativaktrā ca ṣaḍviṃśadvadanā tathā ॥ 153॥
ūnapañcāśadāsyā ca catuḥṣaṣṭimukhā tathā ।
ekāśītimukhā caiva śatānanasamanvitā ॥ 154॥
sthūlarūpā sūkṣmarūpā tejovigrahadhāriṇī ।
vṛṇāvṛttisvarūpā ca nāthāvṛttisvarūpiṇī ॥ 155॥
tattvāvṛttisvarūpāpi nityāvṛttivapurddharā ॥ 156॥
aṅgāvṛttisvarūpā cāpyāyudhāvṛttirūpiṇī ।
gurupaṅktisvarūpā ca vidyāvṛttitanustathā ॥ 157॥
brahmādyāvṛttirūpā ca parā paśyantikā tathā ।
madhyamā vaikharī śīrṣakaṇṭhatālvoṣṭhadantagā ॥ 158॥
jihvāmūlagatā nāsāgatoraḥsthalagāminī ।
padavākyasvarūpā ca vedabhāṣāsvarūpiṇī ॥ 159॥
sekākhyā vīkṣaṇākhyā copadeśākhyā tathaiva ca ।
vyākulākṣarasaṅketā gāyatrī praṇavādikā ॥ 160॥
japahomārcanadhyānayantratarpaṇarūpiṇī ।
siddhasārasvatā mṛtyuñjayā ca tripurā tathā ॥ 161॥
gāruḍā cānnapūrṇā cāpyaśvārūḍhā navātmikā ।
gaurī ca devī hṛdayā lakṣadā ca mataṅginī ॥ 162॥
niṣkatrayapadā ceṣṭāvādinī ca prakīrtitā ।
rājalakṣmīrmahālakṣmīḥ siddhalakṣmīrgavānanā ॥ 163॥
ityevaṃ lalitādevyā divyaṃ nāmasahasrakam ।
sarvārthasiddhidaṃ proktaṃ caturvargaphalapradam ॥ 164॥
etannityamuṣaḥkāle yo japecchuddhamānasaḥ ।
sa yogī brahmavijjñānī śivayogī tathā''tmavit ॥ 165॥
dvirāvṛttyā prajapato hyāyurārogyasampadaḥ ।
lokānurañjanaṃ nārīnṛpāvarjanakarma ca ॥ 166॥
apṛthaktvena siddhyanti sādhakasyāsya niścitam ।
trirāvṛttyāsya vai puṃso viśvaṃ bhūyādvaśe'khilam ॥ 167॥
caturāvṛttitaścāsya samīhitamanāratam ।
phalatyeva prayogārho lokarakṣākaro bhavet ॥ 168॥
pañcāvṛttyā narā nāryo nṛpā devāśca jantavaḥ ।
bhajantyenaṃ sādhakaṃ ca devyāmāhitacetasaḥ ॥ 169॥
ṣaḍāvṛttyā tanmayaḥ syātsādhakaścāsya siddhayaḥ ।
acireṇaiva devīnāṃ prasādātsambhavanti ca ॥ 170॥
saptāvṛttyārirogādikṛtyāpasmāranāśanam ।
aṣṭāvṛttyā naro bhūpānnigrahānugrahakṣamaḥ ॥ 171॥
navāvṛttyā manmathābho vikṣobhayati bhūtalam ।
daśāvṛttyā paṭhennityaṃ vāglakṣmīkāntisiddhaye ॥ 172॥
rudrā vṛttyākhilarddhiśca tadāyattaṃ jagadbhavet ।
arkāvṛttyā siddhibhiḥ syāddigbhirmartyo haropamaḥ ॥ 173॥
viśvāvṛttyā tu vijayī sarvataḥ syātsukhī naraḥ ।
śakrāvṛttyākhileṣṭāptiḥ sarvato maṅgalaṃ bhavet ॥ 174॥
tithyāvṛttyākhilāniṣṭānayatnādāpnuyānnaraḥ ।
ṣoḍaśāvṛttito bhūyānnaraḥ sākṣānmaheśvaraḥ ॥ 175॥
viśvaṃ sraṣṭuṃ pālayituṃ saṃhartuṃ ca kṣamo bhavet ।
maṇḍalaṃ māsamātraṃ vā yo japedyadyadāśayaḥ ॥ 176॥
tattadevāpnuyātsatyaṃ śivasya vacanaṃ yathā ।
ityetatkathitaṃ vipra nityāvṛttyarcanāśritam ॥ 177॥
nāmnāṃ sahasraṃ manaso'bhīṣṭasampādanakṣamam ॥ 178॥
॥ iti śrībṛhannāradīyapurāṇe pūrvabhāge tṛtīyapāde
bṛhadupākhyāne sakavaca śrīlalitāsahasranāmastotraṃ sampūrṇam ॥ 89॥
Английский перевод
На главную